منتديات فرفر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


اغاني عراقيه , عربيه , اجنبيه , صور فنانيين عرب و اجانب , اخبار الفنانيين , الى اخره
 
الرئيسيةأحدث الصورالتسجيلدخول

 

 شعر عراقي حزين عن الخيانه

اذهب الى الأسفل 
كاتب الموضوعرسالة
صاحب القلب الجريح
الـمدير
الـمدير
صاحب القلب الجريح


عدد المساهمات : 122
تاريخ التسجيل : 28/04/2010
العمر : 39

شعر عراقي حزين عن الخيانه Empty
مُساهمةموضوع: شعر عراقي حزين عن الخيانه   شعر عراقي حزين عن الخيانه Emptyالخميس مايو 13, 2010 10:27 am

هلو شباب شلونكم اليوم حبيت اقدم الكم كلمات شعريه

و انشاء الله تعجبكم و اذا تحبون الشعر موجود بصوتي مسجل بمنتدى الشعر الصوتي

هسه نجي على الشعر

حبيتك صدك ...
معقوله ما حسّيت
وآنه الجنت اظنّك تدري وتحبني
طلع كلبك اناني أني ويه أنغرّيت
ما وقه لمحَبتي وبالعجل ذبني
وحيد بلا حبيب ولا عشك ضلّيت
شجره بلايه ميّ ولا شمس جنّي
صلب مثل الجبل بالشدّه منهزّيت
بس بُعدك عليه بهالوكت هزني
حيّرني الزمان وبيك أنه أحتاريت
وجن بيك الزمن رايد يعذبني
نطرت محبتك والهه شكثر تانيت
لحظات العشك وياك نستني

جنت ليّه الاهل انت وجنتلي البيت
وبس انت الجنت بالدنيا عاجبني
وجنت انت التذوّب قلبي لو عدّيت
وأطيحن لو عيونك مرّه تنظرني
جم مرّه الوكت يجرحني متأذيت
بس زعلك عليه الجان يألمني
بشر غيرك أبد بكليبي ما حطيّت
وكل واحد بعد بالدنيا ما همني
جنت بعيني ليلى وجنت جوليت
وجنت آنه قيس وروميو بذنّي
وصرت كبالي عبله ووالله لو مرّيت
اصيرن عنتره وابن امه اليكظني
شجاك تغيرت وبروحي ما خليت
بس حسره ودمع وجروح أذتني
وشجاك تغيّرت صدكني ما ظنيت
تنساني بسهوله وتبتعد عني
أشتريت محبّتك بالغالي كلّي شلون
فلس ونص محبتك هسه باعتني
يا ذنب الجنيته وكلي انه شسويت
حتى انت بعذابي لوحدي تتركني
جنت آنه الحبيب الما يزيحه الكون
واحد هسّه زاحه شلون فهمني
تمشي كبالي تضحك منشرح وياه
ما عندك قصد كل قصدك تغثني
مو صوجك ابد لا بيه كل الصوج
قلبي بهل المواقف هوّه اليحطني
صح آنه انجرح بس الجرح استاذ
قاسي بشرحه لكن درسه علمني
تعلمت ابقى صادق بالعشك للدوم
ومنه اصنع تجارب خبره تكسبني
روح خطيه انت ولا تظن بيوم
تعرف شنهو حُب وتمسي متهنّي
ما تكدر تحب تايه تظل حيران
وقلبك ما يدك فد يوم صدكنّي
وما تعرف بعد محبوب مثلي يصير
واذا واحد يصح لك مثلي عاتبني
تلث سنين احبك تالي هذا الصار
طول المده وانت بحبي خادعني
آنه اتكنّسلت هذا الغشيم شلون
اذا ما عفته بعد اسبوع خابرني

تحياتي لجمع الاعضاء
صاحب القلب الجريح

هسه شوفوني ردودكم الحلوه شباب و صبايا
الرجوع الى أعلى الصفحة اذهب الى الأسفل
https://super-fnr.mam9.com
 
شعر عراقي حزين عن الخيانه
الرجوع الى أعلى الصفحة 
صفحة 1 من اصل 1
 مواضيع مماثلة
-
» رميكس ردح للصبح عراقي & سوري & شرقي
» المهندس: رفضت الغناء ببغداد خوفا على حياة 100 ألف عراقي

صلاحيات هذا المنتدى:لاتستطيع الرد على المواضيع في هذا المنتدى
منتديات فرفر :: الأقسام الأدبيه و الثقافيه :: منتدى الشعر الفصيح-
انتقل الى: