القائمه العراقيه الى اين ؟ ( موضوع للنقاش )

السلام عليكم

اخواني الغالي رواد المنتدى السياسي
اليوم صدفني موضوع وهو يخص القائمه العراقيه اني ومجموعه شباب , زملائي حاولنه نتوصل نشوف القائمه العراقيه لوين راح توصل وياها , طبعاً بدت بالأجتثاثات قبل الانتخابات وبعدها وطبعاً هل اجتثاثات متخص العراقيه لا اكو قوائم اخرى , بس المشكله الي احاول اتوصل الها انو القائمه العراقيه صارت بالفتره الاخيره من المستحيل انو يصير من عدها رئيس الوزراء , يعني اكو عدة اسباب منها : -
1- اندماج الأتلاف الوطني العراقي مع أتلاف دولة القانون ( تشكيل اكثره نيابيه )
2- الاجتثاثات الي دتصير ,
3- اعادة العد والفرز وطبعاً كل شي يجوز ناس تكول اعادوها علمود تكون فرصة للتزوير واعتقد اذا طلعت النتائج مغايره راح يكون فشل بحد ذاته للمفوضيه لان ما كدرت تقارن بنسبه واضحه بين العد والفرز قبل وبعد الانتخابات ( هاي طبعاً بحالة اذا ) ,,
4- بعض الناس تكولك ايران متريد العراقيه والعراقيه بهل حاله متصير لان ايران متريدها ! شنو دخل ايران ( ما اعرف )
طيب بهاي الحاله العراقيه الى اين ؟ يعني اما تأتلف ويه أتلاف اله نسبه كبيره بالمقاعد النيابيه ( وهذا خيار معدوم حسب ما اعتقد )
واما تودع رئاسة الوزراء


طبعاً النقاش بقى وما انتهى بجواب نهائي بيناتنه فحبين اناقشه بيناتنه هنا
واود اوضح عدة نقاط للنقاش , واكيد النقاش مفتوح للجميع ! مو شرط يكون توجهه معين

هسه اريد اشوف اقتراحاتكم على الموضوع

تحياتي لكم سويتي